það hefur nú margt gerst síðan síðast, skal ég segja ykkur.
- hér er komið upp jólaskraut!
sería úr tiger, stolið tuborg minijólatré í stauplglasi, englahár, jóladúkur og svona mætti "lengi" telja. ekki má gleyma jólatrénu sem er næstum því jafn stórt og ég! það er þó enn í geymslu.
- skrautið er í ódýrari kantinum og ættu því georg jensen aðdáendur að halda sig frá hestedamsgade næsta mánuðinn. tiger fan, eins og ég, eru þó velkomnir!
ástæða þess er sú að ég var að kaupa mér nýja tölvu. sú gamla gaf upp öndina prísinn á viðgerð var helmingi hærri en ný tölva. það sér það hver maður að það borgar sig ekki.
- síðustu helgi var svo haldinn julefrokost á hestedams. hér komu saman aðalkappar horsens; elsa&kjartan, rúnar&fanney, dagný&sigurjón.
mikið grín og mikið gaman. pöntuðum mat og hlustuðum á jólastjörnuna í gegn um internetið. nýmóðins julefrokost sem heppnaðist ægilega huggulega!
- í stíl við allt þetta jólajóla fór svo að snjóa í dag! svona alvöru, sem að endist í meira en fjórar mínútur.
mjög dimmt inni á hestó, þar sem er ekkert nema þakgluggar.
ég var eitthvað hálf út á þaki áðan að reyna að skafa snjóinn af með skóhorni. það gekk ekki vel og því kveikti ég bara á kerti.
svona er horsens í dag, góðir hálsar!
hetjusaga:
- ég bjargaði barni, líklega frá dauða. ekki grín. allavega beinbroti.
var að labba út á lestarstöð á mánudaginn, í mikilli þoku og sá á leiðinni lítinn strák á hlaupahjóli. ég hugsaði með sjálfri mér "hvað er fimm ára barn að gera á hlaupahjóli, eitt og yfirgefið klukkan 6:50 á mánudagsmorgni?"
svo kom að því að við mættumst, ég og litli maðurinn, á leið yfir götu. bíllinn sem var þarna á ferð hafði stoppað fyrir okkur - að ég hélt.
þegar ég var svo lögð á stað yfir götuni og stráksi á hlaupahjólinu kominn fyrir hornið á bílnum gaf ökumaðurinn svo bara í!
ég rétt náði að lemja í húddið hjá hrottanum til að gefa honum merki að hér væri fólk á ferð og grípa guttann með mér. hann sleppti náttúrlega ekki hlaupahjólinu, enda að öllum líkindum það dýrmætasta sem hann á.
ég get svarið það, maðurinn sá okkur ekki í 2 metra fjarlægð!
gef honum þó smá sjens þar sem þessi þoka og myrkrið var ekki að gera fólki auðvelt fyrir.
en "bjarga barni" tjekk!
- staðan á praktikplássi er sú að ég hlakka mjög til. verð á þjónustumiðstöð árbæjar og grafarholts. hélt fyrst að þetta væri algjör hörmung, skældi og hringdi í mömmu. sá fyrir mér að ég væri að skutla gömlu fólki í föstudagsbingó og sækja fólk í hjólastól á barinn. en svo fór ég nú að lesa mér aðeins til og þetta er alveg ótrúlega fjölbreytt og ég á eftir að læra alveg helling. þvílíkur aragrúi af deildum. (er þetta nú rétt íslenska?)
þar að auki mun ég búa hjá birnu mágkonu og hennar fylgifiskum, sem er ekkert nema krúttlegt og þau eiga einmitt heima þarna í nágrenninu. svo kann birna líka að elda allskonar ítalskt!
engin hálftíma lest og 20 mín. ferðalag í strætó í 5 mánuði. veii!
ég man ekki eftir fleiru í fréttum.
látiði í ykkur heyra. mér dauðleiðist.
dagný.